कालायगाव जौगाखां ब्लखआव टेन्डार होनाया जेंना खालामदों

गुवाहाटी,जलाइ 6: दुलाराय बर’ फरायसा आफादनि काराबालि आन्चलिक दालाय आफादा बुङोदि- कालायगाव जौगाखां ब्लखआ आयेन बादियै खामानि मावाखै, कालायगाव रिभेनिउ नि सिङाव थानाय काराबालि बजाराव बांसिन बिद होनानै बाजार दाग लानो नागिरनायखौ खाबु होआखै होन्ना बुङो।

काराबालि आन्चलिक दालाय आफादनि आफादगिरि रिंसार बसुमतारिया बुङोदि “सरकारि आयेन बादियै बांसिन बिद होनानै बाजार दाग लानो नागिरनाया खाबु मोन्नांगौ नाथाय BTC नि दैदेनगिरिआ खम होनानै टेन्डार लानायखौसो खाबु होदों होन्ना बिथांआ बुङो। फरायसा आफादा थाबैनो बे टेन्डारखौ बोखार फिन्नांगौ होन्ना बिबानाव थानायनिफ्राय दाबि दैखाङो आरो गोनां जायोब्ला धरना होगोन होन्ना बुङो।